وش هو البيجر الرقمي وكيف يشتغل؟
البيجر الرقمي نظام يخلي جوال العميل هو جهاز النداء: يمسح كود عند الكاشير، وأول ما يجهز طلبه أو يجي دوره يرن جواله، بدون أجهزة وبدون تطبيق.
ليه البيجر الرقمي؟
أجهزة البيجر التقليدية تشتغل، بس لها مشاكل معروفة: تكلفة شراء، بطاريات تضعف، أجهزة تضيع، تعقيم بعد كل استخدام، ومدى ما يطلع برا المحل. والأهم إنها ما تعطيك أي بيانات عن الانتظار.
البيجر الرقمي يحل هالمشاكل لأنه يستخدم الجهاز اللي مع العميل أصلاً: جواله.
كيف يشتغل خطوة بخطوة
التجربة من جهة العميل ما تاخذ أكثر من ثواني:
- العميل يطلب ويدفع عند الكاشير مثل العادة.
- الكاشير يضيف رقم الطلب، أو يوصل تلقائي من نظام الكاشير.
- العميل يمسح الكود بكاميرا جواله، بدون تطبيق وبدون ما يكتب شي.
- يجلس ويتابع طلبه من جواله.
- أول ما يجهز الطلب يرن جواله، ويستلمه ويقيّم تجربته بضغطة.
هل يوصل التنبيه والجوال مقفل؟
إيه. في الآيفون يظهر الطلب على شاشة القفل لين يستلمه العميل، وفي الأندرويد يوصل تنبيه بصوت واهتزاز حتى لو الجوال مقفل.
ولزيادة الاطمئنان، الأنظمة الجيدة توصل العميل برسالة واتساب أو رسالة نصية إذا ما وصله التنبيه، وتنبه الموظف يناديه بصوت.
وش أحتاج عشان أبدأ؟
ما تحتاج أجهزة خاصة. يكفي جوال أو تابلت عند الكاشير، وكود مطبوع على الكاونتر. وتقدر تضيف شاشة انتظار بأي تلفزيون.
أسئلة شائعة
- هل البيجر الرقمي مجاني؟
- فيه أنظمة تقدم باقة مجانية محدودة، مثل رنّة اللي تعطيك 300 طلب بالشهر مجاناً.
- هل يحتاج العميل يسجل أو يعطي رقمه؟
- لا، المسح يكفي.